poet

Teri Gali Mujh Dil Ko Pyari Lage

tiri gaali mujh dil ko pyari lage

dua meri tujh man men bhari lage

tadi qadr-e-ashiq ki bujhe sajan

kisi saath agar tujh kuun yaari lage

bhula deve vo aish-o-aram sab

jise zulf siin be-qarari lage

nahin tujh sa aur shokh ai man hiran

tiri baat dil ko nyari lage

bhavan teri shamshir zulfan kamand

palak teri jaise katari lage

hue sarv bazar daman ka dekh

agar gard-e-daman kanari lage

na janun tu saaqi tha kis bazm ka

nayan teri mujh kuun khumari lage

vahi qadr ‘faez’ ki jaane bahut

jise ishq ka zakhm kaari lage

More Poems

Leave a Comment