Teri Duniya Mein Chaar Din Hun Main

terī duniyā meñ chaar din huuñ maiñ

is liye bhī to mutma.in huuñ maiñ

iktifā karnā hogā thoḌe par

ek mazdūr kā tiffin huuñ maiñ

shāyad ik rishta paas laa.e hameñ

vaise to duur kā cousin huuñ maiñ

ik taraf hijr ik taraf hai vasl

jaise do kāġhazoñ meñ pin huuñ maiñ

maiñ nahīñ par mirā ḳhayāl to hai

tū mujhe apne saath gin huuñ maiñ

ham qayāmat meñ saath hoñge magar

kyā qayāmat hai tere bin huuñ maiñ

Leave a Comment