tere va.adon ka e’tibar kise
go ki ho tab-e-intizar kise
ik nazar bhi hai did-e-muft-nazar
itni fursat bhi ai sharar kise
juun nagin yaan siva.e ru-siyahi
dahr karta hai nam-dar kise
dil to Duuba ab aur dekhen Duba.en
ye miri chashm-e-ashk-bar kise
tere va.adon ko main samajhta huun
dhoka deta hai mere yaar kise
tu baghal se gaya tha dil bhi gaya
aur le baiThun darkinar kise
main to kya aur bhi siva.e saba
tere kuche talak guzar kise
dekhta hi nahin vo mast-e-naz
aur dikhla.un hal-e-zar kise
ḳhuub dekhe ‘asar’ ne qaul-o-qarar
ab tire qaul par qarar kise
Leave a Reply