Be-Nam Si KHalish Ki Jo Dil Mein Jigar Mein Hai

be-nām sī ḳhalish ki jo dil meñ jigar meñ hai

halchal bapā kiye hue ye bahr-o-bar meñ hai

jaatī huī bahār ke manzar ko dekh kar

aatī huī bahār kā manzar nazar meñ hai

hai diid avvalīñ bhī yaqīnan hasīñ magar

baat aur hī nazāra-e-bār-e-digar meñ hai

aa.egī ek manzil be-shām-o-be-sahar

pinhāñ ye raaz gardish-e-shām-o-sahar meñ hai

‘rāhī’ vo ahl-e-dil haiñ ba-qaul-e-‘amīr’ ham

saare jahāñ kā dard hamāre jigar meñ hai

Leave a Comment