Poet
aag jab zaḳhm-e-jigar be-intiha dene lage
chara-gar ghabra ke uf uf ki sada dene lage
ab kahan tha main jo deta is mohabbat ka javab
jis ki turbat dekh li mujh ko sada dene lage
daman-e-sabr-o-tahammul haath se ḳhud chhuT gaya
TuuT kar zaḳhmon ke Tanke jab sada dene lage
hijr ki raton ke sannaTe men uf ri be-ḳhudi
ham dil-e-gum-gashta ko apni sada dene lage
haath bhi ghabra ke main ne qalb-e-nazuk par rakhe
jab zara si choT men shishe sada dene lage
jankani ka vaqt bhi baaqi rahe tum bhi raho
dekhne aa.e to kya achchhi dagha dene lage
mai-kade men ham se maston ki ḳhushi kya ranj kya
mil ga.e do-char saghar aur dua dene lage
munhasir marne pe ho jab surat-e-taskin-e-dil
kosna main is ko samjhun jo dua dene lage
zalim-o-mazlum ka mahfil men kal nikla tha zikr
vo hamara aur ham un ka pata dene lage
marne vaale phir na ai ‘javed’ kholen apni aankh
gar qasam baḌhti hui un ki haya dene lage
Leave a Reply