Tere Qaul-O-Qarar Ki Baaten

tere qaul-o-qarār kī bāteñ

kuchh nahīñ e’tibār kī bāteñ

aap kā muñh hai varna ham sunte

dushman-e-bad-shi.ār kī bāteñ

puurā karnā na karnā va.ade kā

haiñ tire iḳhtiyār kī bāteñ

dekhne ko to bhole-bhāle ho

haiñ magar hoshiyār kī bāteñ

kaam tere daġhā fareb ke kaam

bāteñ īmān-dār kī bāteñ

aap kī bāteñ ai safī’-sāhab

sab kī sab haiñ ḳhumār kī bāteñ

Leave a Comment