tire intizar men kya mila tire e’tibar ne kya diya
kabhi koi zaḳhm tapan hua kabhi koi daagh khila diya
ye shab-e-safar bhi vabal hai na firaq hai na visal hai
isi shab ne niind haram ki isi shab ne ham ko sula diya
mire shahr-e-gul miri arz-e-jan kahin koi un ka bhi hai nishan
tiri be-ḳhayal havaon ne jinhen raste se haTa diya
jise dast-e-zulm chhupa sake na hava-e-jaur bujha sake
sar-e-rah-e-manzil-e-zindagi vo charagh ham ne jala diya
yahi gham garan tha so rafta rafta tire surur-e-ḳhayal ne
safar-e-hayat ki mushkilat ko bhulna bhi sikha diya
Leave a Reply