Ankit Maurya
ji raha huun Thiik bhi huun aap ki hi main bala se
dard mujh ko mil rahe hain aap ki hi bas dua se
haal mera jo hua hai hai mohabbat ka natija
Thiik to hona nahin hai ab ye kaisi bhi dava se
tu kahani aur koi likh de na hisse men mere
ji mira ukta gaya hai ya ḳhuda ab is katha se
gar milana hi nahin tha to milaya kyon hamen phir
main ne to is baat pe kar lena hai jhagḌa ḳhuda se
zulf ko us ki na chheḌo mat karo us ko pareshan
iltija ye roz hi karta huun main zalim hava se
Leave a Reply