tere honton pe nazar baaqi hai
kis ke hone ki khabar baaqi hai
kitne khush-rang badan dhuul hue
vaqt ki chaal magar baaqi hai
aaj bhi gham ki salami ke liye
dil ka abad nagar baaqi hai
shab ki qindil uthane vaale
dekh chehron pe sahar baaqi hai
dard ka chehra tha barbad hua
dasht men sukha shajar baaqi hai
khuun javan khuun se holi khelo
chand qadmon ka safar baaqi hai
Leave a Reply