Tere Hai Zulf O ruKH Ki Did Subh-O-Sham Aashiq Ka

Shah Naseer

tire hai zulf o ruḳh ki diid sub.h-o-sham ashiq ka

yahi hai kufr ashiq ka yahi islam ashiq ka

piya pe qadah-e-labrez de ai saqi-e-mastan

tahi tujh daur men afsos rahve jaam ashiq ka

har ik yaan manzil-e-maqsud ko pahunche hai tujh se hi

magar ik ḳhalq men firqa hai sau nakam ashiq ka

kabhi ma.ashuq ko marte na dekha dar pe ashiq ke

yahi baaqi hai sar ma.ashuq ke ilzam ashiq ka

hua hai ḳhat ‘nasir’ aghaz us mah-ru ke chehre par

do-chand ab ye nazar aata hai kuchh anjam ashiq ka