tire divane iz.har-e-mohabbat kar nahin sakte
mohabbat kar ke tauhin-e-mohabbat kar nahin sakte
ta.alluq ḳhaas hai dil ko ḳhayal-e-ranj-o-rahat se
kisi ko ham sharik-e-ranj-o-rahat kar nahin sakte
jo shaida hain mohabbat ke jo divane hain ulfat ke
vo apne dushmanon se bhi adavat kar nahin sakte
javan hain jin ke pahlu men ḳhayal-e-pas ḳhuddari
zarurat men bhi iz.har-e-zarurat kar nahin sakte
kiya iman taaza qamat-e-dildar ne aisa
‘safir’ ab ham bhi inkar-e-qayamat kar nahin sakte
Leave a Reply