ishq to saari umr ka ik pesha nikla
ham ne kya socha tha yaaro kya nikla
dil ka patthar pighle to kya niklega
patthar ka dil pighla to dariya nikla
bhaag raha hai dariya bhi sagar ki taraf
pyaas bujhane vaala ḳhud pyasa nikla
sub.h savere thi kirnon ki bazm saji
shaam ko ghar se tanha ik saaya nikla
itni umr men apne ma.ani kuchh na mile
dil men surat ankhon men sapna nikla
dil ke safar men lahu ka dariya paar kiya
us ke aage sahra men sahra nikla
le ke faqiri aas laga.i duniya se
‘baqar’ pyare tu bhi sag-e-duniya nikla
Leave a Reply