manus ho ga.e hain sitam peshgi se ham
ab kya karen karam ka taqaza kisi se ham
is se to apne haq men andhera hi ḳhuub tha
be-nur ho ga.e hain na.i raushni se ham
aḳhir sar-e-niyaz jhuka.en to kis tarah
na-ashna hain rasm-o-rah-e-bandagi se ham
taskin-e-zauq ke liye maghz-e-suḳhan hai shart
asuda-e-ghazal na hue naghmagi se ham
hadd-e-adab men rah ke ‘munavar’ ho guftugu
momin ke munh na aa.en suḳhan-gustari se ham
Leave a Reply