Saba Ne Kan Mein Aa Kar Kaha Mile Hi Nahin

sabā ne kaan meñ aa kar kahā mile hī nahīñ

hasīn log tire gaañv meñ rahe hī nahīñ

hameñ kyā ilm ki kyā shai hai ābla-pā.ī

ham apne kamre se bāhar kabhī ga.e hī nahīñ

hameñ bachāne pe raazī thā ik jahān magar

phir ek moḌ vo aayā ki ham bache hī nahīñ

tamām shahar ne mil-jul ke kar liye taqsīm

ye hādsāt mire yaar jab Tale hī nahīñ

mujhe girāne pe āñdhī kā zor thā kitnā

mere lagā.e hue peḌ to gire hī nahīñ

Leave a Comment