saba ne kaan men aa kar kaha mile hi nahin
hasin log tire gaanv men rahe hi nahin
hamen kya ilm ki kya shai hai abla-pa.i
ham apne kamre se bahar kabhi ga.e hi nahin
hamen bachane pe raazi tha ik jahan magar
phir ek moḌ vo aaya ki ham bache hi nahin
tamam shahar ne mil-jul ke kar liye taqsim
ye hadsat mire yaar jab Tale hi nahin
mujhe girane pe andhi ka zor tha kitna
mere laga.e hue peḌ to gire hi nahin
Leave a Reply