Jab khanDar Haweli Ke Kan Mein Sada Dali

jab khañDar havelī ke kaan meñ sadā Daalī

us ne to sadāoñ kī gard mujh pe lā Daalī

qāfile se kyā bichhḌe dekh rā.igānī ab

manziloñ pe jaane kī soch bhī gañvā Daalī

ḳhauf kā jo dariyā thā paar kar nahīñ paa.e

ḳhvāhishoñ kī shahzādī bas vahīñ bahā Daalī

tīrgī ke gāloñ par pyaar se diyā bosa

raushnī kī ḳhvāhish thī raushnī banā Daalī

dil ke is ilāqe meñ gulsitāñ kī hājat hai

phuul maiñ banātā huuñ tū banā ke lā Daalī

bad-gumān logoñ ko bolne pe uksāyā

habs ke samundar meñ ya.anī kuchh havā Daalī

muntazir rahe ‘shāhid’ kuchh bhī ho nahīñ paayā

raat din ke phere meñ zindagī miTā Daalī

Leave a Comment