Zafar Iqbal Zafar
rabta kyuun rakhun main dariya se
pyaas bujhti hai meri sahra se
hai masa.il se ab vahi uljha
rishta joḌa hai jis ne duniya se
ḳhushiyan imroz ki vo paata hai
jo ki ghafil nahin hai farda se
jis ko hasil thiin ne.amaten saari
ab hai mahrum ab-o-dana se
hai ḳhuda ki nazar men aali vahi
ḳhush-dili se jo milta adna se
thi jise saaqi se ‘zafar’ nisbat
tishna lauTa vo bada-ḳhana se
Leave a Reply