Tere Dar Se Uth Kar Jidhar Jaun Main

tire dar se uth kar jidhar ja.un main

chalun do qadam aur thahar ja.un main

sambhale to huun khud ko tujh bin magar

jo chhu le koi to bikhar ja.un main

agar tu khafa ho to parva nahin

tira gham khafa ho to mar ja.un main

tabassum ne itna Dasa hai mujhe

kali muskurae to Dar ja.un main

mira ghar fasadat men jal chuka

vatan ja.un to kis ke ghar ja.un main

‘khumar’ un se tark-e-taalluq baja

magar jite-ji kaise mar ja.un main

Leave a Comment