Qamar Jameel
main jinhen fareb samjhun tiri yad-e-mehrban ke
vo charagh bujh ga.e hain miri umr-e-javedan ke
na ye lala-zar apne na ye rahguzar apni
vahi ghar zamin ke niche vahi ḳhvab asman ke
ye piyala hai ki dil hai ye sharab hai ki jaan hai
ye daraḳht hain ki saa.e kisi dast-e-mehrban ke
mujhe yaad aa rahe hain vo charagh jin ke saa.e
kabhi doston ke chehre kabhi daagh raftagan ke
Leave a Reply