Main Jinhen Fareb Samjhun Teri Yaad-E-Mehrban Ke

maiñ jinheñ fareb samjhūñ tirī yād-e-mehrbāñ ke

vo charāġh bujh ga.e haiñ mirī umr-e-jāvedāñ ke

na ye lāla-zār apne na ye rahguzār apnī

vahī ghar zamīñ ke nīche vahī ḳhvāb āsmāñ ke

ye piyāla hai ki dil hai ye sharāb hai ki jaañ hai

ye daraḳht haiñ ki saa.e kisī dast-e-mehrbāñ ke

mujhe yaad aa rahe haiñ vo charāġh jin ke saa.e

kabhī dostoñ ke chehre kabhī daaġh raftagāñ ke

Leave a Comment