tere angan men vafaon ka shajar rakkha tha
apne honTon pe duaon ka shajar rakkha tha
kaise na yaad ki khiḌki men Thaharti kal shab
mere kamre men sadaon ka shajar rakkha tha
yad-e-janan ke parindon ke sukun ki ḳhatir
apne siine men vafaon ka shajar rakkha tha
jaane kya soch ke fitrat se mohabbat ki thi
mere ajdad ne gaanv ka shajar rakkha tha
meri qismat men mohabbat ka sitara hi nahin
meri qismat men jafaon ka shajar rakkha tha
vaise to pyaar ki chhanv se mohabbat thi ‘diya’
par kahin dil men anaon ka shajar rakkha tha
Leave a Reply