Tera Maqam Zamane Mein Yun Nirala Tha

tirā maqām zamāne meñ yuuñ nirālā thā

ki tū hamāre liye har kisī se a.alā thā

kisī ne ḳhvāb se mujh ko jagā diyā varna

maiñ apne aap se aage nikalne vaalā thā

bahut ġharīb the kachchā makān chhappar thā

ki phir bhī abbā ne nāzoñ se ham ko paalā thā

mujhe pata thā maiñ terī hatheliyoñ meñ huuñ

tirī ḳhushī ke liye toss phir uchhālā thā

vo kah rahā thā ki mahbūb kyoñ nahīñ us meñ

phir us ne ġhusse meñ ā.īna toḌ Daalā thā

Leave a Comment