Mohabbat Ke Siwa Harf-O-Bayan Se Kuchh Nahin Hota

Poet

mohabbat ke siva harf-o-bayan se kuchh nahin hota

hava sakin rahe to badban se kuchh nahin hota

chalun to maslahat ye kah ke paanv thaam leti hai

vahan jaana bhi kya hasil jahan se kuchh nahin hota

zarurat-mand hai sai-afgani mashshaq hathon ki

faqat yakja.i-e-tir-o-kaman se kuchh nahin hota

musalsal barishen bhi sabza-o-gul la nahin saktin

zamin jab be-numu ho asman se kuchh nahin hota

talafi ke liye darkar hai a.ina-sazi bhi

shikast-e-shisha par zikr-e-zaban se kuchh nahin hota

ḳhala men tir-andazi se kya ‘gulzar’ paoge

mayassar is junun-e-ra.egan se kuchh nahin hota