Sufi

Tera Khayal Jaan Ke Barabar Laga Mujhe

tera ḳhayal jaan ke barabar laga mujhe

tu meri zindagi hai ye akasr laga mujhe

dariya tire jamal ke hain kitne is men gum

socha to apna dil bhi samundar laga mujhe

luuTa jo us ne mujh ko to abad bhi kiya

ik shaḳhs rahzani men bhi rahbar laga mujhe

kya baat thi ki qissa-e-farhad-e-kohkan

apni hi dastan-e-sarasar laga mujhe

aamad ne teri kar diya abad is tarah

ḳhud apna pahli baar mira ghar laga mujhe

aaya hai kaun meri ayadat ke vaste

kyuun apna haal pahle se behtar laga mujhe

kya yaad aa gaya mujhe kyuun yaad aa gaya

ghuncha khila jo shaḳh pe patthar laga mujhe

More Poems

Leave a Comment