raushni ka parda hai darmiyan tire mere aur pyaar jaari hai
pyaar men mohabbat men ham na ḳhud ko badlenge aisi apni yaari hai
haath men jo ankhen hain in pe hi faqat takiya kis qadar hai na-kafi
kuchh madad bhi li jaa.e dusron se auron se ye bhi hoshiyari hai
Dhang hai sama.at ka rang hai basarat ka be-tarah-o-be-ma.ani
nang ke liye dauḌen ham bhi saari duniya men ek jang jaari hai
surḳh lafz hain mere main bhi sher kahta huun aur jab sunata huun
koi bol uThta hai sher sher men tere ek gham-gusari hai
sar barahna shaḳhon par ek din vo aata hai aur gulab khilte hain
tajraba hai ye apna ham ne bhi yahan aḳhir zindagi guzari hai
aankh vaale savan men ek baat dekhi hai aur kah bhi duun tum se
tishnagi miTata hai dil ki tishnagi ka ye qudrati shikari hai
bujh rahi hain kyon ankhen saath mah-o-anjum ke kaun sa ye suraj hai
zindagi na chhin jaa.e aarzi si to ‘bedi’ zindagi hamari hai
Leave a Reply