zard ummid ke gul hain kali murjha.i hai
mere angan men kuchh is tarah bahar aa.i hai
sabr ki jiit hui zabt ka qad aur uTha
phir se ai zulm tire hisse men paspa.i hai
aadmi ishq vafa ahl-e-muravvat iman
ye na DhunDo ki jahan men baḌi mahnga.i hai
saari daulat hai yahi meri biza.at hai yahi
bas tiri yaad hai main huun miri tanha.i hai
gar tumhin ruuTh ga.e mujh se miri jan-e-ghazal
phir ghazal kuchh nahin be-vaqt ki shahna.i hai
Leave a Reply