Poet
rasta kisi vahshi ka abhi dekh raha hai
ye peḌ jo is raah men sadiyon se khaḌa hai
ghurbat ke andhere men tiri yaad ke jugnu
chamke hain to rahon ka safar aur baḌha hai
duniya se alag ho ke guzarti hai javani
halan ki ye mumkin nahin purkhon se suna hai
chahat jo junun ke liye zanjir bani thi
aaj us ko bhi vahshat ne miri toḌ diya hai
yaaro na abhi apne Thikanon ko sidharo
kuchh baat karo raat kaTe sard hava hai
ik gham ka alaav hai jise gher ke sab log
baiThe hain ki ‘rahi’ ne naya giit likha hai
Leave a Reply