Jiya Ba-Kaam Kab Is baKHt-E-Arjumand Se Main

jiyā ba-kām kab is baḳht-e-arjumand se maiñ

phañsā qafas meñ jo chhūTā chaman ke band se maiñ

hai go ki jazb mirā tār-e-ankabūt se sust

ye sher phāñse haiñ akasr isī kamand se maiñ

kabhū de bazm meñ apnī mujhe bhī ruḳhsat-e-soz

gayā asar meñ mirī jaan kyā sipand se maiñ

jo talḳhiyeñ ki zaḳhīra maiñ kī haiñ ġham meñ tire

na un se ek ko badlūñ hazār qand se maiñ

butān-e-dahr se ‘qā.em’ kiyā maiñ kis ko pasand

huuñ ab hamesha nadāmat meñ jis pasand se maiñ

Leave a Comment