ghamon ki bhiiḌ dardon ki nigahbani men rahna hai
bata ai zindagi kab tak pareshani men rahna hai
shajar ka ye muqaddar tai karega baghban sun lo
use sarsabz hona hai ki virani men rahna hai
main apna haq bhi mangun to gunahon men vo shamil hai
tumhara zulm kab tak yuun faravani men rahna hai
vafaon ka sila kis ko mila kab kaun jaane hai
vafa ke zikr men ham ko to sultani men rahna hai
vo apne qaul se vapas palaT jaa.e use haq hai
‘tapish’ ham ko to apni baat ke paani men rahna hai
Leave a Reply