Taseer Jafry
sina-e-ḳhak pe bikhra hai lahu gaanv men
aisa lagta hai ki lauT aaya hai tu gaanv men
guftugu hogi tiri ḳhud se kisi ke lab par
tu kisi roz kisi phuul ko chhu gaanv men
kachchi masjid hai jahan paḌhte hain sab log namaz
aur ik nahr se karte hain vuzu gaanv men
mil ke baiThenge ḳhushi aur ghami men saare
jaari rakhenge mohabbat ki ye ḳhu gaanv men
na parinde hain na ab khelte bachche ‘tasir’
ab to chhaya hai faqat alam-e-hu gaanv men
Leave a Reply