Jaleel Aali
ek lamha ki milen saare zamane jis men
ek nukta sabhi hikmat ke ḳhazane jis men
da.era jis men sama jaa.en jahanon ki hudud
aa.ina jis men nazar aa.e adam ka bhi vajud
farsh par arsh ki azmat ki dalil-e-mohkam
ḳhalq par rahmat-e-ḳhaliq ki sabil-e-mohkam
dastaras us ki nigahon ki karan ta-ba-karan
vo tajassus ke liye aḳhiri manzil ka nishan
ek tausi.a jo qismat ki lakiron men rahe
ek tambih jo bedar zamiron men rahe
Leave a Reply