ahmad-hamesh

Andesha-e-Jaan

kis liye kahan se kya hua ki main yahan aa pahuncha

ab mujhe kaise le jaaya jaega

vahan jahan mohabbat thi

anurag tha

aur us ka raaj tha

avaz ke khuda

ab tu hi bata ki afsos kis par kiya jaae

aur kis ko duhai di jaae

kis ne mujhe is tarah maar diya

ki na to main apni nazar men raha

na duniya meri nazar men

uthao use vahan se

jahan uthne se pahle tha hi nahin

kya janun main ki tu hi vasundra hai

bacha lo mere khuda

ki main udne se pahle hi ud raha huun

us taraf jahan

dharti hai na akash hai

sivae dukh ke aur is ki talchhat ke

ab main kis se puchhun ki mujhe kis ne maara

shairi ka din to kabhi hua nahin

magar ye raat kyuun ho rahi hai

raat ko bacha lo varna din use maar dega

na-dida chandni se kaho ki vo apna chand DhunDh kar laae

varna main use khuda ke supurd kar dunga

aur kahunga ki ainda niind kabhi paida na kiya jaae

ghar ghar

damak rahi hai chandni

kyunki us ka khuda use damkane ke liye aa gaya hai

More Poems

Leave a Comment