Aleena Itrat
vo hi andaz-e-dilbari hai abhi
us kei baton men dilkashi hai abhi
kashti-e-dil bahak na jaa.e kahin
mauj-dar-mauj gum rahi hai abhi
kisi tufan ka ishara hai
ye jo saffak ḳhamushi hai abhi
raakh se ab bhi uTh raha hai dhuan
yad-e-mazi sulag rahi hai abhi
ishq men sab to had se paar hue
par hamen ehtiyat si hai abhi
ahd-o-paiman karenge fursat se
koi jaldi nahin paḌi hai abhi
kya mohabbat hi kei alamat hai
us kei palkon men jo nami hai abhi
Leave a Reply