Bar-Sar-E-Lutf Aaj Chashm-E-Dil-Ruba Thi Main Na Tha

bar-sar-e-lutf aaj chashm-e-dil-ruba thi main na tha

DhunDhti mujh ko nigah-e-ashna thi main na tha

yaar ko madd-e-nazar mashq-e-jafa thi main na tha

vaae qismat kal vahan meri qaza thi main na tha

mere hote be-takalluf hatha-pai ghair se

qabil is rutbe ke zalim kya hina thi main na tha

aah meri na-rasa fariyad meri be-asar

niind uda di jis ne teri vo hava thi main na tha

yaad farmana tha mujh ko bhi dam-e-gul-gasht-e-bagh

saath chalne ko jilau main kya saba thi main na tha

ai pari pa-bos se mahrum kyuun rakkha mujhe

khun-girafta is chaman men kya hina thi main na tha

va-e-qismat DhunDti thi kal mujhe shamshir-e-yar

rahmat-e-am us ki sar-garm-e-ata thi main na tha

jaam miina baada saaqi chang daf barbat rabab

nahr gulshan chandni sabza faza thi main na tha

apne kuche men kiya hota mujhe jarub-kash

sahab is khidmat ke qabil kya saba thi main na tha

tod kar aflak jo pahunchi sar-e-arsh-e-barin

qudsiyo vo meri ah-e-na-rasa thi main na tha

umr-e-rafta tu hi mujh vamanda ka sun le payam

qafile valon se kah dena ki sathi main na tha

subh-e-vasl azurdagi mujh se hi kis taqsir par

vajh-e-narazi to meri iltija thi main na tha

jab gila ashob-pardazon ka us but se kiya

bol utha shokhi se chashm-e-fitna-za thi main na tha

jaam miina baada saaqi tha ye sab ‘nazim’ vahan

par miri qismat ki khali meri ja thi main na tha

Leave a Comment