kuchh log samajhne hi ko tayar nahin the
ham varna koi uqda-e-dushvar nahin the
sad-haif ki dekha hai tujhe dhuup se be-kal
afsos ki ham saya-e-divar nahin the
ham itne pareshan the ki hal-e-dil-e-sozan
un ko bhi sunaya ki jo gham-ḳhvar nahin the
sach ye hai ki ik umr guzari sar-e-maqtal
ham kaun se lamhe men sar-e-dar nahin the
maana ki bahut tez thi raftar-e-havadis
ham bhi koi girti hui divar nahin the
ye us ki inayat hai ki apna ke tumhen ‘shauq’
vo zaḳhm diye jin ke saza-var nahin the
Leave a Reply