Syed Zamin Abbas Kazmi
tera hona nahin khula mujh par
la.anten bhej ai ḳhuda mujh par
koi bhi Thiik se batata nahin
kaisa guzra hai saneha mujh par
baagh virana hone lagta hai
rang khulte hain is tarah mujh par
in nigahon ne sarsari dekha
aur ik sehr chha gaya mujh par
ek lamhe ne mere apnon ko
hanste hanste rula diya mujh par
fuhsh bakta huun aaḌ men sach ki
thop doge ye tajziya mujh par
Leave a Reply