afzal-naved

Dhanak Mein Sar The Teri Shaal Ke Churae Hue

dhanak men sar the tiri shaal ke churae hue

main surmai tha sar-e-sham gungunae hue

samay ki lahar tire bazuon men le aai

hava men bahr tiri saans men samae hue

tamaniyat se uthana muhal tha mashal

main dekhne laga tha us ko sar jhukae hue

sahar ki guunj se avaza-e-jamal hua

so jagta raha atraf ko jagae hue

tha baagh baagh shua-e-safed se shab bhar

gulab-e-abyaz-e-rukh tha jhalak dikhae hue

khumar-e-qurmuzi se atishin tha saghar-e-khvab

bhara tha munh tire jamun se baada laae hue

anaar phutte the niind ke samundar men

vo dekhta tha mujhe phuljhadi lagae hue

dikha raha tha mire paniyon se shahr-e-visal

koi charagh sa andar tha jhilmilae hue

hava ke jhonkon men ja kar use main pi aaya

raha vo der talak jam-e-mai banae hue

ye teri meri judai ka naqsh hai badal

baras raha hai ba-yak-vaqt vaan bhi chhae hue

mutabaqat se raha taba ke alaav ko

kahin jalae hue aur kahin bujhae hue

hinai haath se lag kar saji kuchh aur ‘naved’

miri anguthi tha arse se vo gumae hue

More Poems

Leave a Comment