Vikram Sharma
kaun nikle ghar se bahar raat men
so ga.e ham apne andar raat men
phir se milne aa ga.iin tanha.iyan
kyon nahin khulte hain daftar raat men
ham juTa lete hain bistar to magar
roz kam paḌti hai chadar raat men
roz hi vo ek laḌki sub.h si
jaati hai ham ko jaga kar raat men
ḳhvab dekha hai isi ka raat bhar
so.e the jis ko bhula kar raat men
zindagi bhar ki kama.i ek raat
jo mili ḳhud ko ganva kar raat men
saanp do aate hain ham ko kaTne
us ki yaden aur ye ghar raat men
zindagi ki raat ik din ḳhatm ho
ye dua karte hain aksar raat men
Leave a Reply