Tera Dhyan Aata Raha Der Tak

tirā dhyān aatā rahā der tak

maiñ ḳhud ko bhī achchhā lagā der tak

har ik baat se lā-ta.alluq rahā

sunī maiñ ne apnī sadā der tak

musāfir tirā zikr karte rahe

mahaktā rahā rāsta der tak

vahī saarī bāteñ vahī sab ḳhayāl

chalā raat bhī silsila der tak

navāze ga.e kuchh bhale aadmī

sabhā meñ tamāshā huā der tak

tavajjoh ke tālib the manzar sabhī

vahāñ kaun ruktā bhalā der tak

Leave a Comment