tira bulbul huun tujh gul ki qasam hai
birah suun mast huun mul ki qasam hai
raqib-e-ru-siyah khavega ab maar
mujhe tujh kaale kakul ki qasam hai
liye dil phirte hain daur zulaf men
mujhe us ke tasalsul ki qasam hai
na kar tuun bul-havas uupar talattuf
tire dil ke tammul ki qasam hai
khuda akhir karega khush mira dil
mujhe apne tavakkul ki qasam hai
nahin hota huun milne sen kabhi ser
tire man ke tafazzul ki qasam hai
na rah ghafil tuun apne ‘mubtala’ suun
tujhe tere taghaful ki qasam hai
Leave a Reply