Sufi
shakh-e-arman ki vahi be-sabri aaj bhi hai
mojib-e-girya-e-sham-o-sahri aaj bhi hai
vahi aina-ba-kaf dida-vari aaj bhi hai
un men pahle ki tarah khud-nigari aaj bhi hai
sang-baron ke liye dard-sari aaj bhi hai
kal garan thi jo miri shisha-gari aaj bhi hai
aaj bhi morid-e-ilzam hai maasum nigah
jurm ilzam se kal bhi tha bari aaj bhi hai
baat dushvari-e-manzil ki nai baat nahin
raah pahle bhi thi kanton se bhari aaj bhi hai
Leave a Reply