tegh-e-jafa ko teri nahin imtihan se rabt
meri subuk-sari ko hai bar-e-garan se rabt
duniya ko ham se kaam na duniya se ham ko kaam
khatir se teri rakhte hain sare-jahan se rabt
udte hi gard jaati hai jo su-e-asman
hai kuchh na kuchh zamin ko bhi asman se rabt
izhar-e-hal ke liye surat saval hai
hai guftugu se kaam na ham ko zaban se rabt
chashme ki tarah rahti hain jaari mudam ye
ankhon ko ho gaya hai jo ab-e-ravan se rabt
be-rabtiyon ne ‘qadr’ mitai jo rabt ki
hai gosht ko bhi apne na ab ustukhvan se rabt