Shahbaz Khwaja
kaḌe hain hijr ke lamhat us se kah dena
bikhar rahi hai miri zaat us se kah dena
hava-e-mausam-e-gham us ke shahr jaa.e to
mire dukhon ki koi baat us se kah dena
ye vahshaten ye udasi ye ratjagon ke azaab
usi ki hain ye inayat us se kah dena
vo dil ki baazi jahan mujh se jitna chahe
main maan lunga vahin maat us se kah dena
vafa ki raah men main aaj bhi akela huun
koi nahin hai mire saath us se kah dena
jahan pe adl ki zanjir nasb hai ‘shahbaz’
vahin kaTe hain mire haat us se kah dena
Leave a Reply