abul-hasanat-haqqi

Buland-O-Past Ka Har-Dam Khayal Rakhna Hai

buland-o-past ka har-dam khayal rakhna hai

hamesha haath men kar-e-muhal rakhna hai

vo mujh se talib-e-baiat hua hai aur mujhe

junun ke haath pe dast-e-saval rakhna hai

koi to aa ke ginega jarahaten dil ki

hara-bhara hamen taq-e-malal rakhna hai

mire charagh ki lau se musabqat kaisi

mujhe usi pe uruj-o-zaval rakhna hai

kahin to khatm hua hoga raat ka afsun

vahin pe uqda-e-sub.h-e-visal rakhna hai

shikast-e-be-hunari ki sanad nahin milti

giraft men abhi kilk-e-kamal rakhna hai

vo mehrban nahin hai to phir khafa hoga

koi to rabta us ko bahal rakhna hai

bajae us ke ki ham be-hison men gin liye jaaen

sukhan ke saath hi husn-e-majal rakhna hai

nazar na aae qalam-rau men koi harf-e-junun

tamam zer-o-zabar paemal rakhna hai

More Poems

Leave a Comment