tauba ka paas rind-e-mai-asham ho chuka
bas ho chuka taqaddus-e-islam ho chuka
sham-e-haram tha gaah gahe dair ka charagh
main zeb-e-kufr-o-raunaq-e-islam ho chuka
koThe pe chaliye lutf-e-shab-e-mah dekhiye
sab chandni ka farsh lab-e-bam ho chuka
din-dar barahman kahe kafir bata.e shaiḳh
donon taraf se morid-e-ilzam ho chuka
aksar musha.ere pe hua bazm-e-gham ka shak
kya kya mire kalam pe kohram ho chuka
qur.an uThate hain tama.a-e-zar ke vaste
din-dar agar yahi hain to islam ho chuka
ka.abe ko jaate jaate phire su-e-dair ‘rind’
lo haj kar aa.e aap aur ehram ho chuka
Leave a Reply