Sufi

Taswir Ke Khutut Wo Shahkar Bolte

tasvir ke khutut vo shahkar bolte

sab naqsh-ha-e-sanat-e-meamar bolte hain

ham shish ghar men apna sarapa na padh sake

hasrat rahi ki aaine ik baar bolte

tanhai ko mila hai vo eajaz-e-dard hai

zindan ke dekhiye dar-o-divar bolte

kya kya na ghar jamal ke abad the yahan

kis dukh se shahr-e-viran ke asar bolte

har baat men uthata tha vo nuqta-e-guman

ham kya the koi mahram-e-asrar bolte

chup karti teri be-dili kya ‘azm’ nalon ko

rahte jo ham khamosh to ashar bolte

More Poems

Leave a Comment