Bahadur Shah Zafar
qarun utha ke sar pe suna ganj le chala
duniya se kya bakhil ba-juz ranj le chala
minnat thi bosa-e-lab-e-shirin ki dil mira
mujh ko su-e-mazar-e-shakar ganj le chala
saaqi sambhalta hai to jaldi mujhe sambhal
varna uda ke paan nasha-e-banj le chala
dauda ke haath chhati pe ham un ki yuun phire
jaise koi chor aa ke ho naranj le chala
chausar ka lutf ye hai ki jis vaqt po pade
ham bar-chahar bole to bar-panj le chala
jis dam ‘zafar’ ne padh ke ghazal haath se rakhi
ankhon pe rakh har ek sukhan-sanj le chala
Leave a Reply