Obaid Siddiqi
ḳhvab ankhon men savali hi rahe
kasa-e-ta.abir ḳhali hi rahe
raqs karti ḳhvahishon ke zer-e-pa
dil shikar-e-pa.emali hi rahe
ḳhaak ho jaate lahu ki aag men
jism ke kuuze sifali hi rahe
zindagi in se siva nikli yahan
falsafe saare ḳhayali hi rahe
sabza-e-maidan pe kab utri ḳhizan
shor is ka Daali Daali hi rahe
chand nikla to ghazab Dha ja.ega
raat behtar hai ye kaali hi rahe
Leave a Reply