Kuldeep Kumar
taskin-o-rahm se na to lafz-e-dua se thi
jo ham gunahgaron ko kar-e-saza se thi
us se bichhaḌ raha huun to kyon ro raha huun main
is baat ki ḳhabar to mujhe ibtida se thi
ab ke bacha saki na miri ḳhamushi mujhe
is baar meri jang kisi ham-nava se thi
dushman hi ek ahl-e-vafa chahte the ham
halanki dosti to har ik bevafa se thi
ham ne bhi bar-e-gham ko muqaddar samajh liya
kuchh roz tak hamen bhi shikayat ḳhuda se thi
jis ke taghafulon ke the charche tamam shahr
apni bhi to murad usi bevafa se thi
hijr-o-visal donon hi sharton men tai thi maut
ham the charagh ham ko mohabbat hava se thi
Leave a Reply