nahin aram ek ja dil ko
aah kya jaane kya hua dil ko
ai butan mohtaram rakho is ko
kahte hain ḳhana-e-ḳhuda dil ko
le to jaate ho mehrban lekin
kiijo mat aap se juda dil ko
munh na phera kabhi jafa se tiri
afrin dil ko marhaba dil ko
ye tavaqqo.a na thi hamen hargiz
ki dikhaoge ye jafa dil ko
hain yahi Dhang aap ke to ḳhair
kyuun na phir dijiyega aa dil ko
aḳhir us tifl-e-shoḳh ne dekha
TukḌe juun shisha kar diya dal ko
aaj lagti hai kuchh baghal ḳhali
kaun siine se le gaya dil ko
ham to kahte hain tujh ko ai ‘bedar’
kiijo mat us se ashna dil ko
Leave a Reply