Jafar Sahni
tasht men dhuup ke har-samt zamin hai raushan
jagmagata hai makan aur makin hai raushan
murgh-o-mahi ke bayan se na gurezan rahna
ḳhvan par garche abhi nan-e-javin hai raushan
bosa dete hue patthar ko qadam tez karo
darmiyan sang ke ik shahar-e-nagin hai raushan
bazm-e-yaran men machi dhuum ne zulmat likkhi
narm lahje men koi gosha-nashin hai raushan
raat ke sar pe hai ujla sa dupaTTa ‘ja.afar’
ho na ho sehn-e-mohabbat bhi kahin hai raushan
Leave a Reply