Tashhir Apne Dard Ki Har Su Karaiye

tash.hīr apne dard kī har sū karā.iye

jī chāhtā hai minnat-e-tiflāñ uThā.iye

ḳhushbū kā haath thaam ke kiije talāsh-e-rañg

paañv ke naqsh dekh ke rasta banā.iye

phir aaj pattharoñ se mulāqāt kījiye

phir aaj sat.h-e-āb pe chehre banā.iye

har inkishāf dard ke parde meñ aa.egā

gar ho sake to ḳhud se bhī ḳhud ko chhupā.e

phūloñ kā rāsta nahīñ yaaro mirā safar

paañv aziiz haiñ to abhī luuT jā.iye

kab tak hinā ke naam pe dete raheñ lahū

kab tak nigār-e-dard ko dulhan banā.iye

‘amjad’ matā-e-umr zarā dekh-bhāl ke

aisā na ho ki ba.ad meñ aañsū bahā.iye

Leave a Comment